Ви претставуваме еден навистина интересен мурал, за чија изработка навистина било потребно огромно трпение. Станува збор за мурал на францускиот уметник Баптист Дебомбург, кој е автор на цела колекција на ѕидни фрески направени од хефталки.
Неговото последно дело, за кое му биле потребни 340 часа активна работа и повеќе од половина милион хефталки, е наречено Агравур 3, бидејќи е трето уметничко дело во неговата колекција наречена Агравур.
Дебомбург бил инспириран од периодот на Ренесансата, но тој вели дека ги избрал хефталките како материјал за работа бидејќи не се често користени, но и бидејќи се придобивка на модерното време, а ги немало во минатото.
