Водач на хомосексуалното движење во Скопје, во понеделникот бил претепан од две лица, а друго младо момче било нападнато ден претходно, објавија два интернет портали кои пренесуваат информации од светот поврзани со ЛГТБ заедницата. Порталите “Пинкњус“ и “Квирти“ пишуваат дека Ален Шакири бил пресретнат од две непознати лица на улица додека си одел дома кои го фатиле и го нападнале. “Квирти“ наведува дека додека Шакири бил удиран напаѓачите извикувале “Сите вие ќе умрете“ и навредувачки зборови кон геј популацијата. Но, од Министерството за внатрешни работи велат дека во изминативе неколку дена до нив не пристигнала пријава дека лице со тоа име и презиме било нападнато.