Принцес крофни
Дали до сега сте ги пробале инстант крофните со куповни крофни и пудинг? Одвојте нешто од вашето време и направете ги самите, тогаш ќе ја осетите вистинската разлика…
Потребни состојки:
За тесто:
- 250мл – вода
- прстофат сол
- 100гр – путер(или маст)
- 200гр – брашно
- 4 – јајца
За фил:
- 400мл. – млеко
- 3 – јајца
- 150гр – шеќер
- 5 лаж. – брашно
- 1 ванилин шеќер
- Шеќер во прав(за декор)
Начин на подготовка:
Тесто:
Во лонец, со средна големина, сварете вода а потоа додадете путер и сол.
Варете 7мин. А потоа додадете брашно и мешајте се додека не добиете мека смеса.
Тргнете од оган и оставете го на страна да се олади.
Во сад во разладената смеса вмешувајте едно по едно јајце…
Загрејте ја рерната на 230ц.
Во плех ставете пекарска хартија.
Смесата ставете ја во слаткарски шприц и правете топки, во големина на кокошкино јајце. Топките да имаат растојание од 2 см. помеѓу себе…
( Доколку немате слаткарски шприц, можете да користите лажица како алтернативно решение.
Печете без отварање на рерната 25 – 30 мин.
Топлите крофни исечете ги водорамно на половина.
Фил:
Во меѓувреме, одвојте 2 жолчки од белките.
Во засебна чинија, помешајте ги 3те жолчки со шеќер и со ванилин шеќер.
Додадете брашно и 100мл.млеко и добро миксирајте.
Од 3те белки измиксирајте цврст шлаг и помешајте го со смесата.
Во лонец со средна величина проварете 300мл.млеко на среден оган а потоа во во него додадете ја смесата.
Варете се додека не добете густина на пудинг, со константно брзо мешање.
Тргнете од оганот и оставете од страна да се олади.
Наполнете ги крофните и посипете ги со шеќер во прав.