Принцезата Дајана на своите синови Вилијам и Хари им оставила 13 милиони фунти.
Секој од принцовите има право на половина од износот, но како услов се поставени годините. Дури кога ќе наполнат по 30 години можат да располагаат со имотот кој таа им го оставила.
Со оглед на тоа дека се верува дека со паметната инвестиција од смртта на принцезата Дајана износот се зголемил на 20 милиони фунти, се чини дека Вилијам на 21 јуни оваа година ќе биде побогат за 10 милиони фунти.
Извор близок на кралското семејство изјавил дека парите ќе им бидат добредојдени на Вилијам и Кејт доколку одлучат да купат нова семејна куќа.