И двата вида протеини содржат полезни материи, но количеството на масти е различно. Како што ќе се увериме, изборот помеѓу растителните и животинските протеини не е толку лесен, колку што можеби изгледа, освен ако не сме вегетеријанци, се разбира. И двата вида протеини ни нудат разнообразие од хранливи материи и подеднакво е потребно да консумираме и од едните и од другите. Меѓутоа со оние од животинско потекло треба повеќе да се внимава, зошто тие освен протеини имаат и висок процент на маснотии.
За растителните протеини безспорно е дека се здрави, бидејќи освен тоа тие со себе носат и растителни влакна, многу минерали и витамини. Но со месото треба да се внимава. Прженото месо, сувомеснато, конзерви може да ви донесе само штета, а не протеини. За да биде тоа на вистинскиот начин, месото треба да биде варено или печено, истото се однесува и на јајцата, варени а не пржени. Сирењето што го консумирате да биде со низок процент на масленост, како и останатите млечни производи.