Популарната домаќинка Ева Лонгорија конечно проговори како кризата во бракот негативно влијаеше врз неа и нејзиното здравје. Иако се чинеше дека одлично го поднесува најлошиот период од животот, одвојувањето од Тони Паркер сепак и остави белег.
Барем на нејзиниот физички изглед. Имено, како што изјави убавата актерка, после разводот навистина изгуби голем дел од телесната тежина.
“Се сеќавам дека после разводот бев толку слаба што сите ми велеа дека изгледам одлично. Ова беше веројатно најлошиот момент во мојот живот. Смешно е што луѓето мислеа дека одлично изгледам. Во време кога се чувствував најлошо, луѓето ми кажуваа дека никогаш не сум изгледала подобро. Но сега внимавам на исхраната и вежбам”, изјави Ева за новото издание на списанието “Health“.
