Локалната легенда кажува дека Бог по сликањето на небото, ги измил сините четки во реката која сега го носи името Rio Celeste или светло сина река.
Во средината на густата тропска шума на националниот парк Тенорио лежи скриен дијамант на Костарика. Rio Celeste е една од најспектакуларните реки на Костарика и сигурно една од главните атракции на националниот парк.
Овој скапоцен камен на природата го привлекол вниманието на локалното население и туристите поради својата препознатлива светло сина боја, но и поради природните термални извори и водопади кои важат за едни од најубавите во Џентрална Америка.
Rio Celeste е навистина чудо на природата. Настанува со спојување на две реки. Едната река е планинска, богата со калциум, додека другата е богата со минерали од неактивен вулкан Tenorio кој се наоѓа во внатрешноста на паркот. Со спојувањето на реките настанува природна хемиска реакција, и резултира со запрепастувачки сина боја.