Тами Болдвин (50), претставничката на демократите во сојузната држава Висконсин, влезе во историја. Таа е првата американска сенаторка која отворено призна дека е лезбејка, откако претходно го победи досегашниот гувернер, републиканецот Томи Томпсон.
Победата на Болдвин претставува уште еден удар за републиканците, бидејќи демократите ги преземаа и републиканските претставнички места и во државите Масачусетс и Индијана.
-Не се кандидирав за да влезам во историјата. Се кандидирав за да променам нешто, да донесам промена во животите на семејствата кои се борат да најдат работа и да ги платат сметките – изјавила Болдвин во победничкиот говор.
Болдвин првпат била избрана за Конгресот на САД во 1998 година, а со овој избор стана првата сенаторка од Висконсин. Нејзината сексуална ориентациј , за изненадување, не станала главна тема во текот на предизборната кампања.