Еден човек од Казахстан одлучил да ја импресионира својата сопруга и да и се извини на навистина оригинален начин. Двојката се скарале, а сопругот во цвеќара порачал ни помалку ни повеќе туку еден милион црвени рози за сопругата да му прости.
Дека Казахстанецот навистина се потрудил сопругата да му прости зборува и тоа дека двојката живее во јужниот дел на Казахстан, а розите ги порачал дури од Алматија, најголемиот град во земјата. Како “голем купец” добил и значителен попуст.
-Веќе ги порачавме розите од Холандија. Исто така, сите рози ќе бидат црвени и ќе бидат со еднаква големина. На клиентите кои купуваат поголема количина цвеќе, секогаш им даваме и голем попуст, но никогаш претходно не сме имале волку голема нарачка, изјавил работникот во цвеќарата.