Моделите на светски познатиот бренд често се сметаат за едни од најубавите жени на планетава. Затоа нашата цел е да ви ја представиме шминката која тие ја употребуваат и која е ненаметлива, дискретна и ја потенцира природната убавина.
Ако не посетувате солариум, најверојатно неможете да се пофалите со тен како оној на ангелите. Тенот е професионален трик кој ги маскира недостатоците и дефектите по телото.
Што се однесува за кожата на лицето, пред се пресуден е тенот. Затоа најпрво сите недостатоци на лицето се покриваат со коректор и најпосле со многу малку пудра. Убавиот и изедначен тен придава сосема нов изглед на лицето, изгледате свежи и помлади.
Она што во никој случај несмеете да го пропуштите е руменилото. Овде треба да знаете дека е многу важно да ја изберете вистинската нијанса што идеално ќе одговара на вашиот тен. Во спротивно делува многу вештачки и неприродно и го добивате токму обратниот ефект.
Следното е нанесување на квалитетна маскара, што ќе им придаде сосема нов изглед на очите и финишот е сјај за усни. Професионалците препорачуваат пастелни и нежни бои. Погледнете како изгледаат Ангелите нашминкани по тој начин.
