Лондон – британскиот студент Мат Вилкс (19) во четвртокот преживеал удар од два грома.
Вилкс верува дека го спасила шапката – чадор, која ја купил за три фунти преку интернет.
„Излегов во градината да и ја покажам на мајка ми капата, која ми пристигна по пошта. Се чувствував чудно, како некој силно да ме удри во главата. Видов блесок од молња кој се појави над нас и тогаш го почувствував ударот. Беше страшно. Малку пред тоа гром удри на металната ограда и ме удри како електро шок. Јас сум висок 193 сантиметри, па веројатно бев највисокиот објект. Останав жив благодарение на капата“, изјавил Вилкс.
Тој на крај додал дека по некое време почнал да чувствува вртоглавица, гадење и забрзано чукање на срцето.