Милан Џ.(22), жител на Србија, во јули силувал малолетничка(17), но полицијата не го пронашла сѐ додека својата жртва не ја побарал за пријател на Фејсбук. Таа го препознала и го пријавила.
Полицијата во Смедерево го уапсила М.Џ. под сомнеж дека на осми јули околу 3:30 часот на улицата Џуро Даничиќ, заканувајќи се и користејќи физичка сила, силувал малолетна девојка. Тој ја следел додека се враќала дома и кај локалната црква ја присилил на сексуален однос. Девојката истиот ден го пријавила силувањето, но до силувачот не можеле да допрат.
Дури два месеци подоцна, откако тој сакал да и стане пријател на Фејсбук, девојката го препознала и веднаш го пријавила на полицијата.