Шефот на мисијата на Хрватска во олимпискиот одбор во Лондон, Дамир Шегота, е фатен како примил 60 фунти за две влезници.
Полицајци во цивилка го виделе Шегота како разменува карти за фунти, парите биле запленети заедно со влезниците, а Шегота наводно ќе мора да оди на информативен разговор во полициска станица.
„За жал ме фатија како земам пари. Станува збор за недоразбирање, па ме запишаа и сега морам на информативен разговор. За жал организаторот не обезбеди место во кое ќе може да се разменуваат карти и пропусници за гости, па може да дојде до недоразбирање како ова“, изјавил Шегота.
Останува да се разјасни дали навистина станува збор за недоразбирање или дилање на карти.