Полицијата од Северна Каролина во САД известила за еден бизарен инцидент во кој починал еден маж. Несреќниот човек прво се напил од тегла бензин, а потоа запалил цигара.
Инцидентот се случил во понеделникот, кога 43 годишниот Гери Ален Банинг сам се запалил. Тој бил префрлен во болница со тешки изгореници, но следното утро починал.
Портпаролката на градскиот совет Дајан Милер, за медиумите изјавила што утврдиле полицајците. Иследниците веруваат дека Бенинг кој за време на инцидентот се наоѓал кај еден пријател, помислил дека во теглата има сок и се напил една голтка.
Кога сфатил што се напил веднаш плукнал, но и добар дел од тоа завршило на неговата гардероба. Веднаш потоа, тој запалил цигара, а таа одлука била кобна по неговиот живот.