Сите оние кои се обидуваат да се избават од целулитот со помошта на нискокалорични диети или гладување, прават голема грешка. Резултатите од истражувањата покажуваат дека е точно обратно – вака најчесто се натрупуваат нови маснотии кои се под формата на т.нар. портокалова кора. Треба да знаете дека секоја диета е еден вид стрес за организмот кој се засилува после распадот на белковините. Со други зборови и при стрес и при глад организмот натрупува масни наслаги како резерва за во вакви слични стресови состојби.
Организмот по време на строги диети белковините од мускулите почнува да ги троши како енергија, ако не внесуваме преку храната, тој потребната енергија ќе си ја земе од мускулите.
Затоа треба редовно и постојано да спазуваме две антицелулитни терапии – правилна исхрана и редовен сон. На овој начин, ако ги исклучиме стресот и гладот, како основни фактори за појава на целулит, тогаш ќе имаме доволно аминокиселини за мускулите, за одржување на еластичноста на поткожната масна целулоза.
Затоа вашата исхрана треба да се состои воглавно од риба, бело месо, без шеќери и газирани пијалоци, а шеќерите внесувајте ги преку овошјето. Освен тоа многу зеленчук, секојдневно 2-3 пати свежи салати. Зелен чај, ананас и грејпфрут се познати како средства што ги топат мастите па затоа вклучете ги и нив во своето секојдневно мени.