Студнетот по сликарство од Полска, Андреј Собиепан, одлучил дека нема да чека 30 до 40 години за некој да ја зебележи неговата уметност и да ја закачи во галерија или музеј, па затоа работите ги земал во свои раце.
Младиот уметник отишол во Националниот музеј во Вроцлав и тајно закачил свое дело во одделот за модерна уметност. Благодарение на овој чин, студентот во медиумите добил голем публицитет.
Интересен е фактот што сликата висела во музејот цели три дена, а никој не забележал.
„Одлучив дека нема да чекам 30, 40 години за моите дела да се појават на вакво место“, изјавил младиот уметник и додал дека бил инспириран од Бенкси кој направил нешто вакво слично во 2005 година.
Директорката на музејот изјавила дека токму поради овој духовит уметнички настан, дошло до решавање на безбедносните пропусти кои постоеле во музејот.
Сликата од одделот за модерна уметност е преместена во кафе барот на музејот, а ќе се појави на аукција за хуманитарни цели.