Напредниот Subaru Tourer концепт ги имплементира новите хибридни мотори. Моторот е 1.6-литарски боксер-четири цилиндричен турбо, со директно вбризгување, поврзан со еден електричен мотор. Деталите за возилото се сеуште во тек и Subaru вели дека ќе се користи симетричен систем со погон на сите тркала.
Панорамски стаклен покрив се шири над кабината и секој од патниците ќе ужива во погледот. Интегриран екран се наоѓа во воланот за прикажување мапи, интернет и сл. Исто така е опремен со системот за помош на возачот “EyeSight Version 2”, кој вклучува работи како активна контрола на гас, сопирање во итни случаи и предупредување пред скршнување од лентата.
