Минатата недела во Америка се уапсени Роналд Скот Кат (50), неговиот син Хајден (20) и ќерката Аби (18) под сомнение дека ја ограбиле кредитната задруга во Тексас.
Тие се осомничени и за грабеж на седум банки во две сојузни американски држави.
Од канцеларијата на шерифот Форт Бенда во Тексас информираат дека семејството, кое неодамна се преселило, е одговорно за уште еден грабеж во нивниот роден Орегон.
Роналд и Хајден Кат на 1 септември со оружје влегле во банката и ги земале парите, додека Аби ги чекала во автомобилот.
– Тој е самохран родител. Мислам дека сопругата му почина, па морал да превземе одговорност за децата и можам да ви кажам дека секогаш беше тука за нив – вели Ерик Лунди.
По кривичната пријава за кражба, таткото и синот се задржани во затвор со кауција од 140.000 долари, а за Аби е одредена кауција од 100.000 долари.