Уштипци од банана со сладолед

Овој традиционален  индонезиски десерт, ќе ве остави без здив. Вкусен, крцкав, и мек се служи со шеќер во прав, а совршено прилега со топка сладолед.

Бананите изгмечете ги, додајте го шеќерот и брашното во кое сте додале прашок за пециво и замесете го тестото.

Со помош на лажица, вадете го тестото во облик на топки или неправилни облици по желба , па пржете ги во загреано масло, во подлабок сад.

Кога уштипците ќе добијат златно-кафена боја, извадете ги на хартиена салвета, за да го упијат вишокот од маснотии. Пред послужување посипете шеќер во прав по желба , послужете со топка сладолед од ванила или бурбон.

Потребни состојки:

• 2  зрели банани
• 2  лажици кафеав шеќер
• 100гр брашно
• ½ –   лажиче прашак за пециво
• 500мл зејтин
• 2 лажици – кокосово брашно