Откако на плажата Помпано е пронајдено големото сино око, биолозите се обидуваат да откријат за чии остатоци станува збор.
Обидот мистеријата да се разреши трае речиси седум дена, а биолозите тврдат дека постојат неколку можни одговори. Првиот е дека се работи за око од лигња од длабочините (окото понекогаш е со големина на фудбалска топка), се споменувало и морско куче од видот Alopias superciliosus,но и пацифичка сабјарка.
Официјалното соопштение сеуште се очекува, но Џорџ Барџис од Музеј на природна историја во Флорида, Геинсвил вели дека експерти речиси 100 отсто се сигурни дека тоа е око од сабјарка.
“Тоа било риба поголема од три метри. На задната страна од окото е пронајден дел од коска од животното, а тоа ги исклучува морските кучиња, бидејќи тие имаат ‘рскавица. Веројатно се работи за сабјарка”, изјавил Барџис и додал дека деловите на морските суштества на плажите на Флорида не се реткост.
http://www.youtube.com/watch?v=yjKRbkleLmI&feature=player_embedded