Црногорската полиција тропнала на вратата на една никшичанка бидејќи преку пошта и стигнал пакет со чоколадо полно со кокаин.
Подгорица – чоколадата наполнета со кокаин била испратена од Костарика во Никшиќ, а црногорската полиција ја запленила пратката и отворила истрага за случајот.
Како што објавиле локалните медиуми, пакетот со чоколадата полна со кокаин бил адресиран до една никшичанка, која негирала било каква поврзаност со пратката.
Германската полиција ги инфромирала колегите во Црна Гора дека во Франкфурт, еден од главните поштенски центри меѓу Европа и Јужна Америка откриен е мал пакет со кокаин, адресиран до Црна Гора.
Пакетот бил испратен до црногорската полиција, а потоа тие отишле на адресата до каде била адресирана пратката, а жената изјавила дека не очекувала никаква пошта од Костарика.
Во тек е полициска истрага за целиот случај.