Веќе подолго време сте заедно, вие сте убедена дека тоа е мажот за вас, можеби дури и живеете заедно и во еден момент свадбените ѕвона започнуваат да бијат во вашата глава се посилно. Меѓутоа вашиот принц сеуште не ве изненадил со веренички прстен во чаша шампанско и не ја побарал вашата рака.
Немир се вселува во вашето срце, а во главата започнуваат да се вртат мисли и планови како да ги подредите работите во ваша полза.
Всушност точно во овој момент нема потреба од притисок врз ситуацијата, а уште помалку од поставување на ултиматуми. Тоа може само да го исплаши и да го натера да си замине.
Вистината е дека во лубовта не треба да се врши притисок и ако го сторите тоа тешко дека ќе постигнете нешто позитивно. Како за почеток смирете се и помирете се со фактот, дека тоа што сеуште не ви предложил брак, не значи дека не ве сака вистински. Можеби тој уште не е спремен или не собрал храброст и ако вие избрзате, тоа само ќе ја влоши ситуацијата.
Ако сепак сте заедно долго време и ако тоа што не сте преминале на следното ниво ве вознемирува, тогаш можете да разговарате со партнерот на таа тема, за да откриете што мисли тој. Важно е само да не се стигне до мелодрами и поставување ултиматуми.
Уште полесното решение е да уживате додека сеуште не сте во брак. Бракот со себе ги носи и своите лоши страни. Посветете повеќе внимание на себе си и кругот пријатели и не грижете се ако половината од нив се веќе во брак. Се е строго индивидуално и не треба да го споредувате вашиот живот со нивниот.