Милиони луѓе во светот страдаат од некаква форма на алергија кон сонцето – осип, уртикарија и дури меури по кожата како последица од изгореница.
Научете нешто повеќе за оваа форма на алергија и како да се заштитите од неа.
Сончевата алергија обично се јавува како последица од промени кои настапиле после изложувањето на кожата на сонце. Имуниот систем распознава некои од компонентите на промената на кожата под влијание на сончевата светлина како страни тела и започнува да произведува заштитни материи против нив. Тој процес предизвикува алергична реакција која се јавува под формата на различни кожни деформации.
За да се заштитите од алергиска реакција следете го најважното правило, препорачано од сите дерматолози – ограничете го престојот на сонце. Избегнете го пикот од 12:00 до 16:00 ч, кога сончевите зраци се најопасни.
Заштитете го телото. Користете хидратантна козметика со висок фактор и мачкајте се на секои 2 часа за да биде ефикасно. Заштитете ја главата и лицето.
Носете облека од вештачка материја (например полиестер), бидејќи ги блокира штетните зраци и не им дозволува пристап до кожата.