Иако се шушка дека филмскиот ангажман за Ема Вотсон вреди 67 милиони долари, актерката која зад себе има голем број значајни улоги, открила дека за неа успех е уживањето во едноставните работи во животот.
Вотсон, чиј статус на ѕвезда и го донесе улогата а Хермиона Гренџер во филмовите на волшебникот Хари Потер, признава и било тешко да функционира по снимањето на последниот дел.
“Додека го знимав Хари Потер живеев под стаклено ѕвоно, а потоа морав да научам да функционирам надвор од сето тоа. Тоа беше вистински предизвик”, вели 21 – годишната актерка.
Додава дека научила како да користи машина за перење алишта и да готви, тоа за неа е вистински успех. “Тоа ми дава чувство на припадност меѓу луѓето кои се занимаваат со работи кои немаат врска со актерството”, изјавила Вотсон.
Актерката е благодарна на група на пријатели кои и помогнале да се соочи со реалниот живот. Вотсон, која почнала да глуми уште од детството, целиот живот е под светлата на рефлекторите, а сега сака да се тргне од целиот тој гламур и да се посвети на факултетот и создавање на свој начин на живот.