Во текот на минатата ноќ биле регистрирани неколку потреси на подрачјето околу Софија. Се уште нема информации за материјални штети и жртви.
Земјотресот со јачина од 5,8 степени според Рихтеровата скала со епицентар во Перник, 30 километри западно од Софија бил регистриран во 3 часот наутро по локално време, пренеле сеизмолозите од Институтот за геофизика при бугарската академија на науки.
Околу 15 помали потреси биле регистирирани по овој хоризонтален земјотрес, кој се почувствува во Македонија и Србија.