На крајот од планината Бабуна, на ридовите, односно ридско-планинскиот масив Злато Планина, кој се извишува над Прилеп и оди кон северо-исток. Здивот Ви го одземаат карпите со различни чудни облици, терен составен од метаморфни карпи – гнајсеви кои се пробиени од помладите гранити – гранодиорити. Според современите геохронолошки испитувања, гранитите интрудирале пред околу 300 милиони години во постарите гнајсеви, чија старост е проценета на околу 700 милиони години. На најгорната рамнинка, се наоѓа и манастирот Св. Богородица, во негова непосредна близина стената која подсеќа на симболот на Македонија – лав!
