Не престанувам да се изненадувам секогаш кога деновите околу Свети Валентин некои луѓе велат дека празникот е клише и како за вистинските вљубени секој ден треба да е празник. Е тие денови ние одиме на работа, готвиме вечери, гледаме телевизија и.т.н. Не може секој ден да е празник. Празникот е еден ден, еден миг дури. И во тој миг ги славиш најубавите мигови од љубовта. Зошто љубовта како и среќата се грст убави моменти, а не безкрајни непрекинати фиести. Мигот се празнува со миг, а не секој ден.
И покрај тоа што многу долго време размислував каква може да е рецептата за да се прослави денот на љубовта и вљубените, подобра од клишето не измислив. Ете ја, ја знаете.
Неопходни продукти:
2-ца вљубени;
1 букет цвеќе;
1 агол (каде вљубените да се чекаат);
1-2 срца(срце од балон, срце од торта, вистински срца, какви-такви);
1 кутија чоколадни бомбони;
1 шише вино и 2 чаши;
1 камин ( фебруари е сепак!);
1 кревет;
2-3 збора кажани од срце;
1 поглед кој се кажува;
Клише или не, ајде сега со рака на срце кажи ми, толку ли лошо звучи?