Американската полиција ја уапсила дадилката Ејслинг Макарти Брејди (34), од Ирска, бидејќи во својот автомобил ја претепала до смрт едногодишната Рехм Сабир, девојчето кое го чувала една недела додека нивните родители биле на пат.
Полицијата соопштила дека Брејди минатиот понеделник повикала полиција и брза помош, кои во нејзиниот стан ја пронашле малата Сабир без свест, како крвари од очите и носот.
Лекарите ја пренеле во детската болница во Бостон, каде на девојчето и било утврдено внатрешно крварење, излив на крв во мозокот и повеќе фрактури на раката. По два дена борба Сабир починала.
Обвинета за небрежност и убиство на дете, Брејди пред судот во Бостон изјавила дека не е виновна за смртта на девојчето, но останала во притвор, бидејќи нема 500.000 долари, колку што изнесува кауцијата за да се брани од слобода.
