Ди Каприо: Кариерата ми пречи да си најдам жена!

Леонардо Ди Каприо смета дека неговата кариера е причина за да биде несреќен во љубовта.

38 годишниот актер кој имаше врска со редица манекенки како Жизел Бундхен, Бар Рафаели и Ерин Хијтортон призна дека снимањето филмови ширум светот не му дозволува да задржи жена до себе за подолго време.

“Не разбирав што е слава и не разбирав како е да си дел од гигантски хит како Титаник. Нема книга со правила. Никој не ми покажал како да го надминам чувството дека ме гледаат и следат постојано и никој не ми кажал како да бидам нормален, кога сите се однесуваат и ме гледаат различно“, споделил Лео.

Актерот кој неодамна беше поврзан со бившата мис Косово Афердита Дрешај споделува дека секогаш се сметал за второстепен квалитет во Холивуд и покрај тоа што три пати е номиниран за Оскар и дека доскоро тешко ја поднесувал славата.