Американецот Џеф Хортон сурфал минатата седмица заедно со десетина пријатели во хавајските води, кога неочекувано го нападнала тигар ајкула. Решен да не заврши како појадок на опасниот предатор, 27 годишниот сурфер, кој претходно тренирал бокс, едноставно го нокаутирал ѕверот.
“Беше борба за живот или смрт, затоа почнав да ја удирам најјако што можам“, вели Хортон во изјавата за медиумите. Момчето веројатно сеуште ги има боксерските рефлекси кои во случајов му го спасиле животот.
“И нанесов неколку добри удари, а еднаш успеав јако да ја удрам во око“, раскажува Хортон, додавајќи дека ајкулата на крај го признала поразот и побегнала.
