Британски и канадски геј дискотеки, ресторани и клубови ја бојкотираат руската водка во знак на протест против руското законодателство, што ги дискриминира локалните хомосексуалци.
Асоцијацијата Г-Е-Ј која го држи популарниот лондонски клуб Хевн ги исфрли од објектот сите руски продукти, откако во Русија беше изгласан законот кој предвидува тешки санкции за хомосексуалната пропаганда.
“Додека во другите држави се постигнува напредок со правата на хомосексуалците, во Русија се забележува враќање на времето назад!“, коментира Џереми Џозеф, основач на Г-Е-Ј асоцијацијата кој наредил да бидат исфрлени сите руски пијалоци од Хевн и уште неколку други геј клубови, подржани од неговата организација.
Иницијативата за бојкотот на руската водка беше лансирана од американскиот писател Дан Савиџ минатата седмица. “Исфлете ја водката за да ја осудите антигеј програмата на Путин!“, вели Савиџ.
