Камила: Кралското бебе пристигнува за некој ден!

До пристигнувањето на кралското бебе броиме ситно, а британските медиуми нестрпливо го очекуваат настанот на векот за кој долго ќе се пишува.

Тамошните медиуми дополнително ги охрабрила војвотката од Корнвал и сопругата на принцот Чарлс, Камила, која за време на говорот одржан пред детската болница открила неколку информации.

“Седиме покрај телефонот и нестрпливо очекуваме повик. Се надеваме дека бебето ќе пристегне до крајот на неделата, кога ќе се појави таа или тој“, рекла Камила.

За раѓањето прва ќе биде известена кралицата Елизабета Втора, па потоа кралското семејство, и на крај семејството на Кејт. После тоа веста ќе биде објавена на вратите од Бекингамската палата за широката јавност.