Цирих – Полицијата во Швајцарија уапсила лажен надрилекар кој со игли за акупунктура заразил со ХИВ вирус 16 души.
Обвинетиот со кауција е пуштен да се брани од слобода месец август минатата година. Швајцарските власти се заинтересирале за овој случај откако еден ХИВ позитивен пациент лечен во болницата во Берн ја поврзал својата зараза со сеансите со акупунктура извршени кај обвинетиот.
Според објавеното во швајцарските медиуми поголемиот дел од инфицираните пациенти кои се поврзуваат со дотичниот надрилекар се ученици во музичкото училиште кое тој го водел, освен што се занимавал со акупунктура.