Современото општество и брзиот начин на живот, несомнено се повеќе ни го одземаат времето кое ние би сакале да си го посветиме целосно на себе. Да ги разглиме нашите чувства со тоа што би имале силуета за каква што од секогаш сме мечтаеле.
Така во потрага за нови и ефикасни диети, се среќаваме со многу контрадикторни совети за слабеење. Едни советуваат диети со висок процент јаглеродни хидрати, други пак со низок. Некои препорачуваат многу протеини, а некои ќе ви кажат да ги избегнете. Сите овие “експерти” имаат некои аргументи за да ги поткрепат своите теории. И вие останувате заглавени во дилема и покрај толку бројни информации, кому всушност треба да му верувате?
Ова е само еден краток вовед, во една тема „Како до совршена силуета?“ која од една страна е секогаш актуелна, а од друга страна токму поради презаситеноста со информации-излишна. Но не грижете се, преку моите совети најпосле, ќе научите се за калориите, порциите, диетите, мастите и се што ви е потребно за да ослабете здраво и брзо.
„Како до совршена силуета“ ќе ви даде знаење и моќ за да можете без дилеми, без сожалување и најважно без оправдување да се движите напред со сигурни чекори кои ќе ве одведат до телото од соништата.
До нашето наредно читање
Ве сака,
Мелина
