Потребни состојки:
За првата кора:
– 4 белки
– 4 лажици шеќер
– 100гр мелени ореви
– лажица брашно
За втора кора:
– 4 белки
– 4 лажици шеќер
– 100гр мелени печени бадеми
– лажица брашно
За трета кора:
– 4 белки
– 4 лажици шеќер
– 100гр мелени печени лешници
– лажица брашно
За фил:
– 12 жолчки
– 12 лажици шеќер
– 200гр путер
За глазура:
– 50гр чоколадо за готвење
– 50гр бело чоколадо
– 50гр млечно чоколадо
– 6 лажици масло
Начин на подготовка:
За сите три кори постапката е иста. Пенасто изматете ги белките, додадете шеќер и на крајот внимателно додадете лажица брашно и за првата кора ореви, за втората бадеми, а за третата лешници. Печете ги трите кори во подмачкан калап, секоја по 20 минути на 180 степени. Во меѓувреме подгответе фил. Варете ги на пареа жолчките и шеќерот, па кога ќе згусне, оставете да се оладат и додадете пенасто изматен путер. Филувајте ги корите и на крајот целата торта премачкајте ја со останатиот фил. Ставете ја тортата во фрижидер да се стегне, па украсете ја на следниов начин: прво на пареа растопете чоколадо за готвење со две лажици масло и прелијте ги краевите на тортата, па вратете ја во фрижидер да се стегне; потоа на ист начин истопете го белото чоколадо и прелијте го надворешниот прстен на тортата со краевите, па повторно оладете; на крајот истото направете го со млечното чоколадо, па прелијте ја средината на тортата. Можете вака да ја оставите или со вилушка да направите шари на тортата.
