Загреб – Хрватскиот пејач Марко Перковиќ Томпсон потврди денес дека полицијата го претресувала неговиот стан во Сплит, барајќи оружје.
Во присуство на двајца сведоци детално го претресоа мојот стан и видоа дека не поседувам никаво илегално оружје – вели Томпсон.
Пејачот од неодамна живее во Сплит каде со семејството се пресели од Загреб во јуни. Претресот и сомнежот дека поседува оружје Томпсон го смета како продолжување на хајката против него која трае со години и се манифестира низ разни форми на притисок.
А како причина за претресот во неговиот стан полицијата наведува дека Томпсон како гостин во една радио емисија изјавил дека поседува автоматско оружје.