Многумина веруваат дека животните имаат чувства за кои не сме свесни. Приказната која ни доаѓа од Кина, поточно од Хонг Конг едноставно звучи неверојатно.
Според изворот, бикот кога се нашол пред влезната врата на кланицата, застанал и клекнал на двете предни нозе.
Бикот, како што раскажуваат сведоците, бил целиот во солзи. Како тој можел да претпостави дека го носат на колење – било поставено прашањето во текстот?
“Кога го видов ова таканаречено “глупаво“ животно како плаче и го видов стравот и тагата во неговите очи, почнав да треперам. Ги повикав и останатите да го видат…Сите беа збунети и изненадени. Меѓутоа бикот не се помрднуваше од местото, седеше и плачеше, како човек, како мало бебе…“, раскажува месарот Шиу.
Десетина крупни мажи кои работат во кланицата ја гледаа оваа сцена и сите беа трогнати. На крај, сите заедно собравме пари, го откупивме бикот од сопственикот и го испративме во еден будистички манастир, каде монасите ќе се грижат за него додека не умре.“
Еден од работниците, изјавил дека бикот се поместил од местото и станал кога работниците му ветиле дека нема да го убиваат. “Објаснете ми, како бикот го разбра она што луѓето му го зборуваа?“, се прашува господин Шиу.
