Потребни намирници:
40 гр кашкавал
Половина домат (рендан)
1 јајце
40 гр сирење
20 мл путер
15 мл масло за јадење
1 глава кромид
350 гр компири
Начин на подготовка:
Компирите се лупат и внатрешноста се вади за да се оформат садови. Полнежот се приготвува на следниов начин: се пропржува кромидот и ренданиот домат, а откако ќе ги тргнете од оган се додаваат јајцето и сирењето.
Наполнетите компири ги поливаме со растопениот путер и ги печеме додека омекнат. Ги поросуваме со рендан кашкавал и повторно ги печеме додека не добие златиста боја. Се служи со салата по избор.
