Професорот по социологија на шведскиот универзитет Умео, Стефан Свалфорс го предложил Едвард Сноуден за Нобелова награда за мир.
Тој писмото го испратил до Комитетот за доделување Нобелова награда и во него го номинира Сноуден поради “херојското дело и огромната лична жртва со цел да го обелодени масовното шпиунирање преку компјутерските мрежи кои ги диктира ЦИА“.
Свалфорс смета дека Сноуден со својата храброст помогнал светот да стане макар малку подобро и побезбедно место за живеење и дека оваа номинација ќе даде моќ на поединецот да се исправи и да се бори за основните човекови права и слободи.
Тој исто така додава дека оваа номинација за Нобелова награда ќе го врати кредибилитетот кој е изгубен кога истата е доделена на американскиот претседател Барак Обама во 2009 година.