Резултатите откриле дека најголем број на мажи милионери, односно околу 79,6 отсто од нив бараат жени кои не се богати, додека 84,5 отсто од богатите жени бараат мажи подеднакво богати како нив.
Претставникот на сајтот, Дарен Шустер изјавил дека една од причините за оваа разлика е поради тоа што мажите не сакаат да се забавуваат со богати жени бидејќи имаат потреба да најдат партнерка за која ќе се грижат.
„Навистина бевме изненадени кога откривме дека голем број од нашите членови милионери бараат личности кои не се богати. Изгледа дека сакаат да го споделат своето богатство со личности кои не се толку имотни како нив. Од друга страна, приказната со жените е сосем поинаква”, вели Шустер.
Жените милионери кои учествувале во анкетата откриле дека не сакаат да се грижат за било што и дека бараат финансиски стабилен партнер. Тие се повнимателни со своето богатство отколку мажите кога влегуваат во брак, пренесува Huffington Post.
Скоро 80 отсто од жените изјавиле дека од партнерот побарале да потпише предбрачен договор, додека истото го направиле само 17,4 отсто од мажите.