Тања и Мајк Саливен со среќа и гордост објавија дека го очекуваат своето тринаесетто бебе, кое ќе им внесе радост во домот ним и на нивните други 12 деца.
Таа со гордост вели дека успеваат со сопругот сами финансиски да го издржат своето големо семејство, а трошоците ги скратуваат со тоа што чуваат кокошки за јајца, сами си печат леб и си прават домашен џем и путер.
Гордите родители одбиваат секаква помош од државата и живеат скромно, но убаво во нивната куќа со пет спални соби, кои, како што велат тие, секогаш се преполни.
За неколку месеци ќе се роди нивното тринаесетто бебе, а тие веќе ги имаат Бен (20), Стефани (18), Кејтлин (13), Хери (10), Еди (8), Сидни (7), Педи (5), Оливер (3), Џозеф (2), близначките Ана и Либи (16 месеци), како и 7-месечната Изабел.
