Како што се приближува зимскиот период сигурно е дека секој од нас размислува за празниците и идеалната дестинација за одмор…
Во денешниот текст ви го претставуваме одморалиштето Vam White Pearl Chalet во Франција, сместено на одлична локација во која љубителите на зимските спортови ќе уживаат во сите оние неопходни поволности за совршен зимски одмор.
Сопственикот на луксузното одморалиште Philippe Capezzone воедно е и дизајнер кој целокупниот концепт го осмислил така што на најдобар можен начин им обезбедува удобност на гостите. Ентериерот вклучува традиционални елементи од дрва и камен надополнети со најсовремени содржини. Сликите на ѕидовите претставуваат мотиви на зимските спортови кои совршено се вклопуваат во контраст со темните тонови и мебел. Уште една од поволностите на одморалиштето е личен возач кој е на услуга на гостите 24 часа, додека цената за неделен престој изнесува од 18.000 до 33.000 евра, без оглед на периодот во годината.
