Состојки:
Тесто:
100 гр маргарин
1 јајце
200 гр шеќер
40 гр чоколадо
250 гр брашно
Фил:
100 мл млеко
150 гр мелени ореви
3 лажици шеќер
80 гр маргарин
Прелив:
20 гр маргарин
150 гр чоколадо
Подготовка:
Изматете го маргаринот, додадете јајца и шеќер. Чоколадото се топи на пареа, па се додава во смесата. На крај се додава брашно и се меша за да се добие изедначено глатко тесто. Со калап се вадат парчиња од тестото и се подредуваат во подмачкана тепсија. Се пече во загреана рерна на 200 степени.
За фил: стоплете го млекото во кое се додаваат мелените ореви и шеќер и оставете филот да проврие. Тргнете го садот од оган па додадете го и матениот маргарин. Мешајте додека не се изедначат состојките. Откако ќе се олади филот се филуваат ишлерите како сендвичи. На крај се додава чоколадниот прелив. Ишлерите се сервираат ладни.