Изберете една од сликичките со различни бои и облици која најмногу ве привлекува и дознајте што се крие во вашата потсвест и каква личност сте.
Обидете се да одберете една која визуелно најмногу ве привлекува.
Со овој мини тест може да дознаете нешто повеќе за себе.
1. Вие сте безгрижни, разиграни и весели
Сакате слободен и спонтан живот. Се обидувате да живеете со полни гради во согласност со мотото: „Само еднаш се живее“. Многу сте љубопитни и отворени кон сè што е ново и сакате промени. За вас нема ништо полошо од тоа да се чувствувате запоставено. Својата околина ја доживувате сестрано и сакате изненадувања. Со вас понекогаш не е лесно, бидејќи луѓето никогаш не можат да се потпрат на вас, но од друга страна може да бидете и многу интересни и со вас никогаш не е здодевно.
2. Вие сте независни, неконвенционални
Сакате слободен и независен живот кој ќе ви овозможи сами да си го отворите патот. Имате уметничка дарба која се обидувате да ја пренесете во работата и во слободното време. Вашиот нагон за слобода понекогаш ве предизвикува да направите и нешто спротивно од она што се очекува од вас. Вашиот стил на живот е многу индивидуален. Никогаш не го следите она што е во тренд, туку настојувате да живеете по вашите идеи и убедувања, дури и ако тоа значи да се движите спротивно од сите други.
3. Вие сте интроспективни, чувствителни и рефлективни
Се занимавате со себе и со својата околина почесто и потемелно отколку повеќето други. Не сакате површност, подобро ќе бидете сами отколку да треба да трпите прости разговори. Во сè барате подлабока смисла. Вашиот однос со пријателите е многу силен и тоа ви дава внатрешен мир и хармонија која ви е потребна. Не ви пречи да бидете сами подолго време и ретко ви е здодевно.
4. Вие сте приземјени, балансирани и се вклопувате во средината
Го цените природниот стил и го сакате она што е едноставно. Луѓето ви се воодушевуваат бидејќи успевате да стоите со двете нозе цврсто на земја и многумина можат да се потпрат на вас. На своите блиски им овозможувате чувство на сигурност. Отфрлате сè што е нападно и банално. Скептични сте кон модните трендови во сите животни полиња, а облеката мора да ви биде практична и елегантна.
5. Вие сте стручни, практични и самоуверени
Вие преземате одговорност за својот живот и не верувате многу во среќни околности, туку во практично дејствување. Проблемите ги решавате многу едноставно. Имате реален поглед на работите во секојдневниот живот и не се колебате. Многу сте одговорни во работата и луѓето знаат да се потпрат на вас. Вашата силна волја предизвикува самодоверба и воодушевување. Никогаш не сте целосно задоволни додека не ги остварите своите идеи.
6. Вие сте мирни, дискретни и неагресивни
Со вас е лесно и едноставно, а притоа и дискретни сте. Без напор стекнувате пријатели, но во исто време уживате во својата приватност и независност. Сакате да се тргнете настрана од сè и да бидете сами некое време за да можете да размислите за смислата на животот или да уживате во самотијата. Потребен ви е простор и сакате да побегнете во напуштена природа, но во суштина не сте осамени. Го цените животот и она што го нуди светот.
7. Вие сте аналитични, посветени и самоуверени
Имате истанчен вкус за она што е со висок квалитет и трајно. Како резултат на тоа, сакате да се китите, да откривате места кои другите не ги виделе. Културата има посебна улога во вашиот живот. Имате свој стил кој е елегантен и ексклузивен, различен од актуелните трендови. Ваш идеал на кој ви се темели животот е културното задоволство. Истото го очекувате и од луѓето со кои се дружите.
8. Вие сте романтични, емоционални и сонувачи
Многу сте чувствителни. Не сакате да гледате на работите само од рационалниот агол, туку поважни ви се чувствата. Всушност вие сметате дека во животот е многу важно да имате и соништа. Одбивни ви се луѓето кои не го сакаат романтизмот и кои се водат само според разумот. Не дозволувате ништо да ја ограничи вашата богата палета на емоции и расположенија.
9. Вие сте динамични, активни и екстравертни
Секогаш сте подготвени да прифатите некои ризици и да се предадете на нешто што бара интересна и разновидна работа. За разлика од тоа, рутината има парализирачки ефект на вас. Најмногу сакате да имате активна улога во случувањата околу вас. Вашата иницијативност е силно изразена.