Јанг Нан е девојка од Кина која се бори за својата врска со дечко инвалид, бидејќи родителите и дале рок во кој мора да го напушти ако не прооди.
Овој период за несреќа истекол, а девојката се изборила кај своите родители за дополнителни 6 месеци иако знае дека за нив нема надеж.
Не знам што да правам. Јас верувам дека тој може да се излечи, но ние немаме доволно пари за третманот. Едвај врзуваме крај со крај. Потребно ни е чудо – рекла девојката.
Хонгбо од друга страна е свесен за реалноста и се согласува со нејзините родители дека таа заслужува подобра иднина и вели дека ќе го исполни ветувањето дадено на нејзините родители доколку не застане на нозе во следните 6 месеци.
Тој е парализиран од половината надолу што е последица од сообраќајка со мотор која се случила пред 5 години.
Неговата трагедија не завршува овде. Неговите родители имале тешка расправија во врска со неговото опоравување после што таткото ја удрил мајката со остар предмет по глава и ја усмртил, после што бил уапсен и сместен во затвор.
Хонгбо и Нан тогаш сеуште не биле во врска, туку биле пријатели кои уште повеќе се зближиле поминувајќи заедно низ овие тешки околности.
За жал засега ништо не оди во прилог на младиот пар. Тој не сака да ја изгуби својата девојка, но повеќе од тоа сака таа да води среќен живот, а тој смета дека животот со инвалид не е живот.
