Каков ѕвер ќе возат американските војници

Што ќе добиете ако вкрстите тенк и брод? Ако прашате некој од американските Маринци, ќе ви одговорат Амфибиското возило за ултра тешко товари (УХАЦ – Ultra Heavy-Lift Amphibious Connector). Масивното возило почнало со тестирањата во маринската база на Хаваи, во рамки на воени вежби на овој специјален род на американската армија.

УХАЦ е експериментално возило кое ја демонстрира потенцијалната можност за пренесување војници во области каде тоа е невозможно со постоечката технологија. Прототипот е еден вид транспорт „од брод до копно“ (Ship-to-Shore) и е само половина од големината на планираната машина која треба да го замени актуелниот десантен ховеркрафт ЛЦАЦ (Landing Craft Air Cushioned).