Британските власти истакнале дека трошоците на кралицата Елизабета Втора мора да се намалат и под итно мора да се реши големото заостанување на поправката на кралската палата. Официјалните лица на кралската палата мораат и ногу повеќе да направат за подигнувањето на приходи на кралската фамилија затоа што нивните резервни фондови се алармантно ниски. Според извештаите кралските резерви паднале на историско ниско ниво од 1,2 милиони евра.
Во продолжение, во извештаите било наведено дека во палатата не успеале да инвестираат ниту за поправките, а според проценките направени во март 2012 скоро 40 проценти од целата недвижнина на палатата биле тотално неуредени и во тотално неприфатлива состојба. Од вкупно 775 соби на Бакингемската палата, многу соби не се реновирани последните 60 години. Портпаролот на Бакингемската палата изјавила дека реновирањето е приоритет за кралското семејство.