Контроверзниот американски рели возач и љубител на екстремни спортови, Кен Блок, најпознат по серијата фантастичните Gymkana видеа, овие денови го претстави новиот негов љубимец, кој неможе да се нарече ни возило на 4 тркала, бидејќи не ги ни поседува.Станува збор за Форд Ф-150, кој е модифициран така да наместо тркала на него се монтирани гасеници, со што Ф-150 стана првиот “снегомобил” под името Raptor TRAX. Испод хаубата се крие голем 6.2 литарски V8 агрегат на кој на возилото му обезбедува непресушна сила неопходна за пробивање низ снегот. Покрај ова, Raptor TREX е опремен и со специјални носачи за сноубордови, посебно осветлување на кровот на возилото како и сктремен аудио систем.
