Високопоставени свештеници на афро-кубанската религија Сантерија, предупредиле деновиве, после традиционалниот новогодишен ритуал, дека 2014 година ќе биде обележана со епидемии и болести, уништување на животната средина, семејни конфликти и конфликти помеѓу луѓето и државите што би можело да прерасне и во глобална војна.
Претставувајќи го своето годишно писмо, или извештајот, овие свештеници исто така предвиделе дека оваа година ќе биде обележана и со смртта на значајни политички фигури и религиозни лидери.
Свештениците порачуваат дека единствено меѓусебното разбирање и соработка е клучот за стабилна иднина во светот.
Сантериската религија е мешавина од католицизам и африкански традиции, а нивните свештеници објавуваат писмо секоја година на први јануари. Експертите тврдат дека нивните прогнози најчесто се неодредени, но дека често се случува дел од тоа да се оствари.
