Иако наполни 40 години, Кејт Мос не дозволува годините да и бидат препрека во нејзината кариера. Супермоделот кој овој месец го прослави својот 40-ти роденден, стана заштитно лице на кампањата за пролет/лето на Александар МекКвин.
Кејт е фотографирана во мрачна надреална средина од страна на Стивен Клејн. На фотографиите носи кожен градник со набрано здолниште, а со сето тоа носи и кратка руса коса, поради што многу потсетува на актерката Тилда Свинтон.
Стивен и Кејт веќе долго соработуваат со оваа куќа, а за оваа кампања, покрај фотографиите, Клејн смислил филм во кој глуми Кејт. Клејн бил инспириран од британскиот трилер од 1960 година, “Peeping Tom” .